Neçə illərdir ki, əməkdaşlıq etdiyimiz "PAŞA Həyat" ASC hər il olduğu kimi bu Novruz bayramında da ahıllarımızı unutmamış, bayram bağlamalarının hazırlanmasında öz dəstəklərini əsirgəməyiblər. AzQAC Sumqayıt Regional Mərkəzin koordinatoru Mətanət Məhərrəmova “Paşa Həyat" ASC-nin əməkdaşı Aynurə Səmədovanı salamlamış, hər bayramda bölmə ahıllarına göstərdikləri diqqət üçün onlara bölmə və ahıllar adından minnətdarlığını bildirmişdir. Bayram sovqatlar alan ahıllar da öz növbələrində xeyriyyəçi təşkilat nümayəndəsinə onları bu əziz bayramda sevindirdikləri üçün təşəkkür ediblər. Daha sonra yataq xəstələri evlərində ziyarət olunaraq, bayram sovqatları ilə sevindiriliblər.
